Op 24 Mei 2007 begin ek as Sonkind blog. Ek was nog so groen wat blog betref en het die grootste klomp strooi kwytgeraak. Die bloggery het gevolg uit die SSSB werf waar ons almal gestry en baklei het, so saam met Steve 😆
Dit was lekker tye. Ons het almal nog baie stories gehad om te vertel en ons het mekaar nog leer ken. Dit was amper soos ‘n nuwe verhouding 😉
Op ‘n stadium het ek sonkind geskuif na ‘n .co.za werf toe, maar vir verskeie redes het ek die blog later toegemaak, maar darem nie voordat ek (amper) alles gaan bêre het by Ex-Sonkind nie. Ek dink nog steeds dat ek daar van my beste skryfwerk gepleeg het en ek sal dit nooit oor my hart kry om dit sommer net in die groot WWW te laat verdwyn nie.
Ek het ook ‘n foto blog waar ek nog redelik gereeld foto’s plaas en ‘n musiek blog wat ek soms vir lang tye van vergeet – dis nog steeds een van my lekkerste stokperdjies om self YouTubes te maak van musiek waarvan ek hou.
Intussen het baie van die begintye se bloggers opgehou, dan weer teruggekom, blogs uitgevee en dan weer nuwes begin. Een het dit selfs wragtig een keer reggekry om WordPress se arm so te draai dat hulle haar blog, wat sy per ongeluk uitgevee het, vir haar “restore” het! Daar was blog vriendskappe wat gesluit is en vandag nog hou. Mense wat ek in die regte lewe leer ken het waaroor ek baie bly oor is en wie ek vir altyd as vriende sal tel. Daar was ‘n blogskandaal, of twee, en die bittereinders het deur dit alles bly blog en hier is ons nog steeds vandag. Party onder ‘n ander naam, maar nietemin. Ons het oorleef!
Dis nou VYF jaar later. Die laaste paar maande het hier BAIE nuwe bloggers bygekom, van ander platforms af, en ek hoop hulle is al ingeburger en voel welkom. Ons sal sekerlik nooit weer so ‘n ‘close community’ wees soos wat ons daar in 2007 / 2008 was nie, maar verandering is goed en die uitbereiding van mens se horisonne is nog beter.
Daar was ook al dae wat ek lus was om ‘n streep te trek deur alles, maar ek is ‘n sissie. Blog het vir my ‘n uitlaatklep geword, waar ek soms net kan raas en ander kere kreatief kan wees. Dit sal ook vir my voel asof ek ‘n deel van my familie afskryf as ek sommer net op ‘n dag die pad vat. Dus, ek is hier om te bly, ‘for better or for worse’, soms Muse-loos maar darem nooit sprakeloos nie.
Ek is nie meer ‘n blog-kleuter nie, ek is darem nou al ‘n blog-kind 😆
Viva Blogging!
Kouevuur 
Heppy heppy! Ag ek hoop jy bly vir altyd en moet tog net nooit ‘delete’ druk nie.
Wow, that’s a long time blogging! If only I might learn to develop the same deursettingsvermoë …
Jaaa, Son! 😆
Dis bloggers soos jy wat die ‘gom’ is. Hou ons klomp donsveertjies bymekaar as ons lus is om weg te waai!
Geluk, hoor!
is dit nou wondergom of bliksemgom? 😆 Ai, wanneer gaan ek en jy eendag oor koffie skinder? 😉
Geluk…. jy kom al langpad!!! Nou die anderdag gewonder hoe voel die ou bloggers oor die nuwes. Mense vorm mos maar “clicks,” en aanvaar vreemdes moeilik. Jy gee ‘n mens ‘n gevoel van “veiligheid;” dankie daarvoor.
Dankie vir jou mooi woorde. Ek lees te lekker aan Kameel se kaskenades 😉
Daar is min mense wat jou al so lank as ek lees. Al verdwyn ek ook soms. Ek het gedink dit is al langer as vyf jaar. Maar geluk anyways.
Dit bly ‘n eer dat jy hier bly lees. Dankie 🙂
Congratulations Son! Blogging has brought me out of my shell like you cant believe.
Thanks Granny B!
En om te dink ek ‘Like’ jou al van SSSB af, al het ons op verskillende platforms geblog…
Ons ken mekaar mos al van voor tyd af 😉
Hi Son, bly skryf mens, ons sal bly lees.
Goeie nuus vir jou. Onse Piet van Wyk de Vries skoonkind gaan, (na jy daarvoor gevra het) by julle in die koue Kaap sing. Teken aan in jou dagboek 13 Julie in die Dorpstraat teater en gaan kyk en luister.
Hy sê jy moet al jou pêlle saamsleep en die Teater volmaak.
Wow! Kan nie wag vir 13 Julie nie. Ek maak so, jy kan hom sê. Dorpstraat teater is ‘n klipgooi van my af!
Schull!!
Blogging is lekker.
Ek stem! As die gogga jou een keer gebyt het, is jy verlore!
MMM EK BYT NIE! Terg sommer nety- weet julle [praat vanh die skryf gogga nie die seegogga nie! Ek stem!
nEE WAT. jY MAG NIE OPHPOU NIE. Oeps Caps Lock. Ek het ook my Litnet blog uitgevee, was spyt, en worry nie nou meer daaroor nie. Dit was nogals lekker om van voor af te begin. Maar met die oorskuif hierheen saam het ek ook minder begin blog.
Dankie. Soms voel ek maar vaal teen al die regte skrywers hier. Maar ek sal altyd iewers bly skryf, dis in my bloed 🙂
Cheers!!!!
Prost! 😉
VIVA VIVA BLOGGING!
Skink vir ons solank ‘n rooietjie….ek gaan sit die Cuervo in die vrieskas.
Geluk, Son. Dis altyd lekker om by jou te lees.
By jou ook, Liggie 🙂 Dankie!
Eendag op ‘n sonskyndag gaan ons nog saam ‘n glasie klink 😉
Ek skink ‘n Cuervo – jy kan maar die rooie kry 😉
Van ‘n groentjie, wat 5 jaar gelede, nie geweet het van blog, glog, smlog
Dankie! Jy laat my tuis voel !
Hoe meer siele, hoe meer vreugde. Ek moet jou net waarsku. . . Blogging is verslawend 😉
Geluk Son. Ja, wat sal ons se^. Wie’t nou ooit gedink destyds met SSSB, dit dinge sal so hand uit ruk. 🙂
Ja, dis eintlik ongelooflik. Maar dit was meestal ‘n lekker handuit ruk 😉
Hello julle! Ek, mielie.wordpress.com is nog darem hier… Ek sê dit tong in kies want ek dink ek het 2 jaar te rug n I skewing gemaak! Maar WordPress het my nog nie delete nie 🙂 ek gaan binnekort n inskrywing maak, was lekker om jul weer raak te lees – 5 jaar! Sjoe 🙂
René. Alias Mielie. Alias Defender.
Dis dalk tyd om nou weer te begin blog! 🙂
Bly jy blog nog! Ek geniet jou blog baie. Soms kan jy dalk van daardei vroee goeie skryfwerk uit die ou argiewe afstof sodat ons dit kan lees???
Gee jy my nou idees. 😉
Congratulations Son!
*hugs*
Thanks Hope! *BIG HUG*
Dis interessant. Ek het seker ook so lank gelede begin blog ook op ‘n ander plek, dit was tye vol pret. Baie het verander sedertdien, nice mense en minder nice mense ontmoet
🙂
Ek dink die blog wêreld loop ook maar in ‘n siklus. Ek steur my nie aan die minder nice mense nie 😉
Ja mens moet jou nie steur nie heeltemal tereg
🙂
Ek kry so min kans om te blog in die laaste tyd, ek kry eintlik skaam. Maar gewoonlik doen ek dit sommer van my foon af, wat net die lees van ander blogs bemoeilik. Dalk kan WP so ietsie daaraan doen!
Ek sukkel net so om soms kommentaar te lewer van my Samsung Tab af, maar ek lees oral. Hulle kan gerus die App vir fone verbeter!
Absoluut!
Ek is nog maar net ‘n peuter wat blog aanbetref, maar ek dink nie dis sommer iets waarvan ek sommer sal afsien nie.
Geluk met you meerderjare 😉 Mag daar nog hope meer wees!!!
Ek lees lekker daar by jou, doet so voort! 🙂
Wil ook darem net sê baie geluk en glasie water saam met jou klink! Daar is baie dinge wat ek ook mis oor die jare in die “wêreld”. Die lewe gaan voort en ons leer en gaan voort!
Ek probeer meer gereeld daar by jou uitkom, maar jy is so “off the beaten track” 😆
Tjorts!
Cheers! 😉
Geluk Sonnetjie – skyn nog 5 biljoen jaar lank!
Dankie Gardi! Jy moet ook meer blog!!!