Gedagtes

Die gevaarlikste ding in die Heelal

Is die mens. Ek vra by voorbaat verskoning oor die gal wat ek hier gaan braak. As jy ‘n positiewe, opgeruimde, kentekend aan die Feesgety gekwyl wil hoor, moenie verder lees nie.

Ek is nie op die oomblik op ‘n goeie “space” in my kop nie. Nie omdat daar iets fout is in my lewe nie. Omdat daar meer as iets fout is met die mensdom. Mense teef en teem oor die vrou wat in China tereggestel is “net omdat” sy dwelms gesmokkel het. My goedere fok, man! Sy is so goed as ‘n moordenaar haarself. Gaan vra elke ouer wat deur die hel van dwelmverslawing met ‘n kind is of hulle dink haar straf was oordadig.

Die mens is die grootste fout van God se skepping. Hy moes by die diere opgehou het. Ja, stenig my, ek gee nie ‘n flenter om nie. Daar is NIKS op aarde gevaarlik nie, behalwe die mens. Die “Ry veilig” veldtogte se boodskap is spoed maak dood. Stront man! MENSE wat te vinnig ry maak ander mense dood. Dwelms maak dood. MENSE het daai dwelms uitgevind en vervaardig. Daar is anti-gewere veldtogte. ‘n Geweer skiet nie vanself nie. Dit het ‘n MENS se hand nodig.

Ek verstaan hoekom baie mense nie kan glo daar is ‘n God nie, want hoe kan enige God so ‘n wese skep wat die saad van vernietiging in hom ronddra. Kyk hoe lyk die wereld. En skielik wil almal in Desember sing van vrede op aarde en in die mens ‘n welbehae. Net sodat hulle weer in Januarie verder kan moor, roof, drink, ander verongeluk, hoereer, oorlog maak, kinders verkrag en mishandel? Tot volgende Kersfees.

Nee dankie. As ek vandag kon, op hierdie oomblik, sou ek my lidmaatskap van die mensdom sonder ‘n oogwink opgegee het. Ek troos myself daaraan daar is wel net soveel goeie mense as slegtes daar buite, maar soms, net somtyds, raak die mensdom vir my te veel. NOU is een van daardie somtyds.

19 thoughts on “Die gevaarlikste ding in die Heelal

  1. @ Xena

    Dankie vir jou kommentaar, ek is bly daar is ten minste een persoon hier met ‘n meer beskaafde siening oor die doodstraf.

    Dis ook interessant dat dit nooit die drug gebruikers is wat verantwoordelikheid aanvaar vir hulle keuses nie. Hulle word amper uitsluitlik gesien as slagoffers.

  2. Stem! Daar is nie meer verskoning vir mense wat sê hulle het nie geweet nie wat in die pakkie was nie. Suid Afrikaners sal verstom wees hoe baie van ons mense sit in tronke hier in Europa oor dwelm smokkel. Dit word net al hoe erger. Wens hulle wil die doodstraf ook weer in SA terug bring. Oor Chinese het ek nie veel te sê nie. Die sprinkane van die mensdom. As hulle klaar is met iets is dit woes en leeg. Afrika was nog nooit een wat verder as vandag dink nie.

  3. Die doodstraf is vir my so finaal en soms so half “maklik”. Ek voel mense moet voel hulle word gestraf. Met die doodstraf word die familie en geliefdes gestraf en hulle is tog nie altyd saam skuldig nie. Die persoon wat gestraf is, leef nie om dit te ervaar en te onthou nie. En sê nou maar daar was ‘n skrale moontlikheid dat die een wat die doodstraf kry tog onskuldig was (nie noodwendig hierdie geval nie).

    Maar ek stem saam oor die mensdom. Sommige mense het meer dierlik geword (of was nog altyd) as diere self. Waar in die diereryk sien mens “verkragting” soos ons dit in die mensdom ken? En doen diere aan hulle kinders wat siek mense aan hulle s’n doen? Die algemene begrip is dat ‘n dier ‘n siellose wese is, maar soms wonder ek tog daaroor. Ek dink tog Dogg het meer in my gesien as die een wat sy kos aangedra het. Hy het dan so mooi kom jammer sê as hy stout was en raas gekry het. En hy het kom troos as hy gesien het my “kos is alweer afgevat”.

    Ek glo egter nie dat God ‘n fout gemaak het toe hy die mens geskep het nie… ons is in Sy Beeld geskep en Hy het besluit dat Sy skepping was goed. Dit is die mens wat nie deel gebly het van die Meesterplan nie. Maar juis nou, sonder die tralala en kasregisters wat warm geslaan word, is dit die tyd om bly te wees dat daar vir ons ‘n Reddingsplan is. Kyk verby alles wat blink en fake is en wees bly.

  4. Ek stem saam met jou dat die mens ‘n bitter gevaarlike ding is.

    Maar ek is teen die doodstraf. Ek is menslik genoeg om die rede daarvan in te sien. Tog kan ek nie die waarde daarvan sien om soos ‘n barbaar op te tree om ‘n barbaar te stuit nie. Wat maak dit jou dan beter as die barbaar.

    Ek wil graag glo ek leef in ‘n gemeenskap wat better is as die gemiddelde moordenaar, verkragter, molesteerder, pensioenrower of dwelmsmous. Ek weier om my op dieselfde vlak as hulle te verlaag. Dit is presies, volgens my in elk geval, wat mens doen as jy die doodstraf toedien.

  5. EK stem saam oor mense wat verantwoordelik is vir al die poef. MAAR, slaan jou oge op na die berge … kyk na die pragtige groen natuur … wardeer die mooi wat God geskape het en voel dan sommer hoe jou bors swel van trots oor dit wat goed is en mooi is.🙂
    Annerste …. eish … mense doen snaakse dinge.

  6. Ek voel ook dis reg dat die meisie tereggestel is. MAAR iemand het gister op fb geskryf, en ek het dit vir ‘n oomblik by my herhaal…. Dalk moet ons met die Chinese Renosterhoringsmokkelaars en Perlemoensmokkelaars DIESELFDE doen as wat hulle met ons dwelmsmokkelaars doen.
    Sommige van die beriggewing het geklink of dit dalk in haar bagasie geplant was, en as dit die geval is, is dit SCARY!!

  7. Ek is SO met jou hier Son. Ek dink nie regtig die doodstraf is reg op spirituele terrein nie, maar sy verdien regtig die hoogste moontlike straf. En as dit is hoe die ooste dit doen, so be it.

  8. Nee, kyk, ek dink ook dit was ‘n dom move van die pop om dwelms te wil smokkel…maar…’n wereld met net diere?! O nee!! 😉

    Cheer up. Sit ‘n Boney M cd op en begin met die Krismis decorations. 😆

  9. Ons, as menslike wese, is verseker die gevaarlikste en die mees destruktiewe wese op hierdie aarde.

    Die dame wat gister gevang is met die drugs in haar dreadlocks, haar vriende verklaar dit is nie sy nie. Dit kan nie wees nie, sy gebruik nie eens dwelms nie blah blah blah.

    Dit is waar eie keuses inkom. Sy het ‘n keuse gemaak. Sy sal daarmee moet saamleef.

    Ek glo dat God verseker nie sulke aksies goedkeur nie, dit is nie Sy keuse dat sulke goed gebeur nie, maar ons eie wil kom ter sprake en kaboem! shit happens.

    En moenie vergeet nie, apartheid het seker veroorsaak dat sy dit gedoen het. Ja. Dis seker apartheid se skuld.

    Ek is ook nie lus vir die tralalalala van die seisoen nie.

  10. Ek weet nie wat dink die mense wat dwelms so oor grense en lande heen smokkel nie, duidelik dink hulle nie! En wat besiel jou om dwelms ooste toe te smokkel? Jy moet heeltemal van jou sinne beroof wees…dis nie SA waar jy met moord wegkom nie, ja gaan gevang word en jy gaan jou lewe verloor en almal wat haar jammer kry het ook nie gedink nie!

    Neewat, ek stem saam met jou Son en as ons in SA ook sulke streng wetgewing/strawwe gehad het sou dit ook al beter gegaan het.

  11. Kyk weer gister die storie oor die twee renosters wie se horings lewendig uitgekap is. Hulle is met darts geskiet wat streng na veeartse beheer word.
    Lees bietjie hier onder.

    http://www.iol.co.za/capetimes/police-probe-vet-link-to-rhino-drug-in-poaching-1.1197632

    http://www.thenewage.co.za/35933-1007-53-Noted_vet_held_on_rhino_poaching_charges

    http://www.wildlifeextra.com/go/news/rhino-poaching-syndicate.html#cr

    Ons renosters word steeds deur veeartse uitgemoor. Dis natuurlik niks nuut nie want dit gaan al jare aan. Ons veeartse wat so mooi gekeur word by Onderstepoort en 47 onderskeidings in matriek moet he. Net die beste van die beste. Hulle moet gemeenskapswerk by die SPCA doen en ‘n diep liefde vir diere wys. Ek dan kap hulle met ‘n byl ‘n lewendige dier se horings uit en verkoop drugs.

  12. My probleem met china is nie oor die doodstraf nie, maar oor die frieken inkonsekwentheid…….dis dieselfde frieken land wat renoster horings onwettig koop (en ons weet waar hulle dit kry……van stropery), wat lande se see waters onwettig roof, wat die see en al wat see lewe roof, wat dogtertjies aborteer en moor omdat hulle te veel is (selfs die blerrie sjinese in sa laat hul dogtertjies aborteer), wat die neo-apartheid en kolonialisasie stil-sti lin afrika afdwing onder die voorwendsel van “hulp”. Nee wat, wipe maar daai klomp van die aardbol wat my betref en die hele wêreld sal beter daaraan toe wees. Wonder of die hele aard verwarming nie ook sommer gefix sal wees as daai biljoene weg is nie?

    Ok, ek moes dalk nie verder as par 1 gelees het nie, maar God het die mens darem nie so geskep nie….hy het so “geword”, uit eie blerrie keuse……wat die her-skepping in Christus darem net soveeeeel awesomer maak.

  13. AMEN!
    Ek en liefie het oor presies dieselfde ding gepraat vanoggend. Ja ek voel vir die ouers maar simaptie met haar? Nope!

    Sy het goed geweet wat sy doen en daardie dwelms kon baie se lewe verwoes het, net soos my kind en ons lewe verwoes is deur iemand wat ook dwelms gesmokkel het en dit in ons kind se hande beland het!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s