Ons (ek inkluis, ja) sê so maklik iets of iemand is ‘common’. Ek, veral, trek gou my neus op vir iets of iemand wat hom/haarself platvloers gedra of platvloerse goed aanhang. Ek dink dis ‘common’ om in die openbaar te baklei, ‘common’ as ‘n vrou in die publiek loop en rook, ‘common’ om te drink en al hoe luidrugtiger te raak, ‘common’ om te spog oor hoe dronk jy gisteraand of laasweek was en hoe baie jy gekots het, ‘common’ om jou kar te ‘drop’ en breë wiele wat verby die kar uitsteek op te sit, met liggies wat onder die kar uitskyn en ‘n klankstelsel wat jou adverteer 10 kilometer ver in aantog. Ensovoorts. Maar dis net MY perspektief. Elkeen se waarheid is anders, soos elkeen se ‘common’ seker ook dan.
Vanoggend ry ek werk toe en ek luister die radiostasie wat ek die afgelope paar maande luister. ‘n Radiostasie wat ‘n hele paar mense hier op die blogs (en elders) sal ‘label’ as ‘common’. Dis ‘n redelike nuwe stasie in die Kaap en dit speel merendeels Afrikaanse musiek. Dit laat my weer dink aan ‘common’ en ek soek die woord op toe ek by die werk kom.
Common = gewoon, alledaags, algemeen.
Maar verder ook = platvloers, vulgêr, laag, sleg.
En ‘n ‘Commoner’ = ‘n Pleb
So, ons is almal maar plebs, want ons is almal eintlik net gewone mense (dié van ons wat nou nie blou bloed in ons are het nie)
So, waar lê die pleb in my?
Laat ek maar bieg:
Ek koop die Sarie, maar ek lees ook die Huisgenoot as ek dit in die hande kry (ek kan darem met ‘n skoon gewete sê dat ek nog NOOIT die Son koerant gelees het nie – DIS nou common kwadraat, as jy my vra!)
Ek luister Afrikaanse musiek, al laat party songs my tande stomp word omdat dit so pateties is. Daar is egter ook baie goeie Afrikaanse musiek. Ek luister egter ook Franse musiek, Reggae, R&B, HipHop en ander – so, as ek aan my musiek moet geoordeel word, sal hulle my diagnoseer as seriously skisofrenies.
Ek volg vir Steve en Natasha en Wicus ensovoorts op Twitter (Is dit common?)
Ek sal maklik kaalvoet winkel toe gaan in die somer, maar my voete is altyd versorg en ek sorg dat my hakke ordentlik lyk (skurwe hakke = common)
Ek kyk sepies soos Binnelanders en 7de Laan (as ek tyd gehad het, het ek seker meer gekyk). En destyds was ek ‘n Santa Barbara verslaafde. Ek kyk darem so nou en dan opvoedkundige kanale ook, dis goed vir slaaploosheid.
Ek lees ‘heavy’ boeke, maar ek lees ook gereeld ‘n lekker hygroman/liefdesverhaal waarvan ek reeds die einde op bladsy 1 kan raai. Sulke boeke laat my brein rus en my batterye herlaai 
Ek praat en lag te hard. Altyd. Seker omdat ek op ‘n plaas grootgeword het. En ek praat soms te veel, veral as ek senuweeagtig is. Soms probeer ek myself stiller maak, maar voor ek sê mes, lag ek weer te hard. As my familie bymekaar is, klink ons soos die spreekwoordelike (en vergewe die rassistiese woord) regte-egte koelie-basaar. LOUD!
Ek vloek as ek kwaad raak en my geliefde woord is FOK en ek raak hoogs befok in verkeer en sal maklik vir iemand ‘n vingerteken wys – ja, ek weet – dis ook BAIE common!
Ek kan seker nog aanhou. Daar is seker ‘common’ en ‘COMMON’. Maar sonde bly sonde, groot of klein, so eintlik moet ‘common’ dan ook ‘common’ bly. Of hoe? Punt is, iewers glo ek elkeen van ons het iets ‘common’ in ons, wat ons nie noodwendig platvloers, vulgêr, laag of sleg maak nie. Dalk net meer mens.
Dalk moet ek hierdie ‘n tag post maak. Kom, kom, staan op en vertel ons wat doen jy wat as ‘common’ kan kwalifiseer
Laat ek bietjie dink… okay. Ek tag vir:
en die
Julle weet hoe dit werk – gaan heen en vermenigvuldig!
Geen wonder ek laaik jou so nie. Jy is net so kommin soos ek.
Laaik is ook kommin, en om kommin te sê ook…
En sal jy my glo as ek jou sê ek wou jou ge-tag het, maar toe dog ek jy gaan dink dis te kommin!!!
Agge nee man, ja het dan al die bestes klaar gevat
Mense mag vermoed ek is kommin, maar as ek my mond dig toe hou kan niemand iets bewys nie.
Hallo, my naam is Zee, en ek is kommin……
Die ironie is eintlik, hoe gre(kappie)nder jy dink jy is, hoe komminer is jy. En hoe eenvoudiger jy leef, hoe gre(kappie- ek is op my selfoon)nder is jy eintlik.
Ek druk broodjies in koffie, lag ook kliphrd en vloek lekker.
Ek hou van brood
Wonder ek ook nou. Toe Leon, vertel ons
Nee, hoor, ek’s nie kommin nie, ek’s net ‘n tappet.
So… vertel ons
Daar is baie goed waarvan ek nie hou nie, of goed wat my nie aantrek nie, maar ek het nie eintlik aan dit gedink as “common” nie, maar ek skat ‘n mens dink seker maar so onbewustelik dat dit wel is. Ek is vrek ongeskik as iemand my tyd mors, dit is seker lekker common.
Ek het so ruk terug ‘n paar springbokkies geskiet en wou met alle mag “kussingkies, oorgetrek met springbokvel” laat maak. My girl se kommentaar : Dis Commin. Is dit werklik commin ? Wie hier het ‘n springbokvel kussingkie ?
Pingback: Die pleb in my ontbloot… « Demoerin
Huiswerk gedoen!
Wat kommin is (of nie is nie) bly tog maar opinie.
Pingback: Plebs en Juppies en die mense tussenin « Wosonki
Huiswerk gedoen. As ek hierna nie meer vriende het nie is dit jou skuld
Ek is ook commin. Mal oor Afrikaanse musiek, mis nie SA Idols nie ook nie SA got talent nie en ek kyk 7de laan en erfsondes.
Ek trek elke jaar my silwer bikini en pienkpantoffels aan, kry die popcorn en tab en skuif voor die TV in vir die skouspel uitsending.
Maar jy sal my nooit vang fokken vloek nie! Dis baaaaaja commin!
Dankie almal – julle het my lekker laat lag. Dis wara wat Demoerin sê – elkeen se perspektief is seker maar anders oor wat kommin is. Maar saam maak ons die wêreld draai
En Murphy (sonder kappie op die ê want sy is op haar foon – jinne ek het lekker gelag) – geld kon nog nooit styl koop nie, jy is reg. Baie mense met BAIE geld is eintlik vrek kommin
En hulle weet dit nie eers nie!
Pingback: Mens moet eintlik common wees | alleman
Ek is ook so… ek hou van Castle lager en groot steaks, ek hou van wit Toyotas (sal graag ‘n Hilux dubbelkajuit wou hê) en two tone hemde. Ek hou dikwels van liedjies wat ander mense as common beskryf, en net soms dink ek Jack Parow het nogal iets te sê. Ek verstaan dikwels nie klassieke werke in letterkunde en musiek nie, maar maak asof ek dit alles weet.
In my guns darem, ek hou regtig van sushi, maar kan dit nie bekostig nie. Ek hou nie van baie van die nuutste Afrikaanse musiek nie (maar baie van Jac de Priester, Chris Chameleon, Koos Kombuis, ouens wat oorspronlike musiek skryf en wie se lirieke my laat dink. Skud jou bisket doen dit nie vir my nie, wys jou mys nog minder… )
Ek hou ook van wit Toyotas – het nie geweet dis kommin nie! In actual fact – ek hou NET van wit karre en ek hou NIKS van VW nie
Dis nou seker bietjie off the topic, maar ek verstom my altyd as ek van ‘n dominee hoor wat bier drink 
Ek is MAL oor Sushi en sal maklik vir ‘n paar dae brood eet (en ek hou nie juis van brood nie) om een aand ordentlik sushi te eet. Sokkie bokkie musiek doen dit ook nie vir my nie, maar ek dans darem lekker daarop
Ag tog, ek dog ek doen nie kommin nie (sepies, rugby, suip, 2-tone hemde, Huisgenoot, Twiet, ens) toe moes ek die hele naweek hoor hoe kommin ek en my vrou eintlik is. Hoe moet ek nou voel, en die kabouters in my tuin en die 3 eende teen my sitkamer muur? Gekrenk sê ek jou. Ek begin sommer weer vloek en drink en hang weer die geraamde “wat is `n huis sonder `n vader/moeder” weer teen my muur.
Nee hel Louwie, jy is HEELTEMAL te grênd vir ons!
En jy’t seker die Mexikaantjie met sy groot hoed en die kaktusse teen jou muur by die voordeur, Louwie? En die vier orrelpyp tarentaaltjies in jou tuin?
Pingback: Kômmin soos kaaskoek « Turksvy se Bloggie